सम्बन्ध

Writer ✍️  : RAMMANI ARYAL 

भाग्य जसको बलियो हुन्छ, असल साथि चुन्छ भने

सफल त्यो उ नै हुन्छ , मनमा सपना बुन्छ भने

रिस कहिल्यै गर्नुहुन्न , शंका मात्र गरेर

बेकार हुन्छ जिन्दगी त्यो , सधै आँखा रुन्छ भने

एक अर्कामा विश्वास गर , जिवन यात्रा पूरा होला

बिग्रि जान्छ सम्बन्ध त्यो , नाम मात्रैको हुन्छ भने

अहमता र अविश्वासले , जान्छ नाता टुटेर

अटुट होला सम्बन्ध त्यो , माफ मागी धुन्छ भने

कदर गर्न जाने मायाँ , जिबनको सहारा हो

नत्र छुटी जाला बाटो , मनमा जालो तुन्छ भने

एकै रथका एउटै पाङग्रा , बने पनि के भयो र 

मनका पिडा मनको नै , पिंजडामा थुन्छ भने

साथ सधै देखेपनी , नहोला है देखे झै 

अङ्कुराउला मनमा माया , भावनाले छुन्छ भने